fredag 11. juni 2010

čáhci, dorski, gonagasreabba, háhka, luossa

Svein Lunda ođđa vihta sáni: čáhci, dorski, gonagasreabba, háhka, luossa

Ipmil lei geargan su sivdnadusbargguiguin ja mannan oane nohkažit Sivdnadusat mat jur juste ledje boahtán eallinhámiide dieđun hálede álgit eallit. Iešguđetge sivdnadus álggii geahččalit návččaidis ja álggii iskat birrasa meid Jipmil lei addán dase. Lunddolaččat dieđun. Go sivdnadus lea luovvaduvvon, de lea luovvaduvvon.

Mearas ledje obba holu sivdnadusat. Ášši lei varret saji ja iskat vejolašvuođaid. Dehálaš bargu. Vaikko mearra lei stuoris, de ledje obba holu sivdnadusat.

Jipmil lei jurdilan rátket mearraássiid seabbara mannjel, muhto easkka-reidejuvvon eallit eai gillen vuordit. Stuora eallit nu go vális, njuorju, silbagonogas, veadjeheasta, mearragussa, bivnnutbimbbar ja diekkárat sohte gaskaneaset saji birra. Botta go Jipmil seabbarasttii lei olles soahti mearas.

Unnaraččat gávdne lunddolaččat geahččalit juohkit meara parallellalaččat. Gonagasreabbá dieđun vertii botnis orrut. Háhka goit i dárbbašan botnis beahkit, muhto ruvva fuomášii aht son ii nahkan eallit bajimusas mearas. De varrii saji čietnjalis čážis. Dorski lei vehaš sleaddalágán, ii ge gillen vuoikkasakka iskat birrasa, go juoga su geanian muitalii son vertii dole dale mátkkoštit guhkas jur mánáseaŋgga dihte. Dieinna dorski ii gillen válljet nu gáržolit doppe mearas. Luossa ii vuogastan olles su sajiin. Mearračáhči lei vuoikka sálttis sutnje. Son dobddai ii son ceavzze das.

Go Jipmil bedjánii ja galggai álgit rátkenbargguid lei measta buot ortnegis mearas. Sivdnadusat ledje rátken ja ordnen sturrodaga ja fámu ektui. Áidna mii lei iluheapme, lei luossa. Jipmil jearai sus manne son nu ruibbui, ja luossa selehii man sálttis mearra lei. Son ii ceavzán danne, jáhkii. Jipmil rokki oaivvis, de dajai: Jus beasat orrut beali vai goit oane das jogačáži sinne, lihčuk go de birgen buorebut? Luossa nivkkui oaivvi, ja Jipmil lasehii: De galggat mannat jogaide mánáseaŋgga dihte. Jogačáhči galgá leahkit du maŋisbohttiid álgu, ja du sohka galgá álo áibbašit dohko. Muitun galgá du muohtu bissut ruibon go leat sáltečážis ja jalgut go leat jogačážis.

Edan mannjel lea erohus jogo luosa don bivddát boahtá sáltečážis vai jogačážis.

 

1 kommentar: